Englishសេន ស្រីមាចអ្នកលក់ធូប
អ្នកស្រី សេន ស្រីមាច មានអាយុ ៣២ឆ្នាំ រស់នៅភូមិបាទី ឃុំព្រៃចារ ស្រុកជើងព្រៃ ខេត្តកំពង់ចាម។ គាត់មានមុខរបរជាអ្នកបោះដុំធូប និងលក់រាយធូប។ គាត់ទទួលបានប្រាក់កម្ចីពីប្រសិទ្ធភាពហ្វាយនែន ចំនួន ១០.០០០ ដុល្លារអាមេរិក ក្នុងគោលបំណងយកទៅពង្រីកមុខរបរ។ មុនពេលទទួលប្រាក់កម្ចីពីប្រសិទ្ធភាពហ្វាយនែន អ្នកស្រីអាចរកប្រាក់ចំណូលបានតិចតួចពីផលរបររបស់អ្នកស្រី ហើយមានអតិថិជនតិច និងមិនមានឡានដើម្បីដឹកជញ្ជូនធូបទៅលក់ឲ្យម៉ូយរបស់គាត់ទាន់ពេលវេលា។ នៅកំឡុងពេលនោះ អ្នកស្រីមានការលំបាកក្នុងការដឹកធូបទៅឲ្យម៉ូយរបស់អ្នកស្រីដែល នៅផ្លូវឆ្ងាយរឺនៅតាមបណ្តាខេត្តនានា។ បន្ទាប់ពីទទួលបានប្រាក់កម្ចីពីប្រសិទ្ធភាពហ្វាយនែន អ្នកស្រីអាចរកចំណូលបានច្រើនជាងមុន ហើយនឹងមានអតិថិជនច្រើនជាងមុនផងដែរ ព្រមទាំងមានឡាន១គ្រឿងដែលបង្កភាពងាយស្រួលដល់អ្នកស្រី ក្នុងការដឹកជញ្ជូនធូបទៅដាក់ឲ្យម៉ូយតាមទីកន្លែងឆ្ងាយៗទាន់ពេលវេលា។ លើសពីនេះទៅទៀត អ្នកស្រីក៏បានជួសជុលផ្ទះរបស់អ្នកស្រីបានធំជាងមុន។ អ្នកស្រីក៏បានអរគុណដល់ប្រសិទ្ធភាពហ្វាយនែន ដែលបានផ្តល់កម្ចីដល់អ្នកស្រី។ ប្រសិនបើមិនបានទទួលប្រាក់កម្ចីពីប្រសិទ្ធភាពហ្វាយនែន អ្នកស្រីមិនមានអ្វីៗដូចមានសព្វថ្ងៃនេះទេ។
ម៉ៅ បូរអ្នកលក់បន្លែ
លោក ម៉ៅ បូរ មានអាយុ ៥៥ឆ្នាំ រស់នៅភូមិតានុង ឃុំក្រាំងអំពិល ស្រុកសំរោងទង ខេត្តកំពង់ស្ពឺ។ គាត់មានមុខរបរជាអ្នកដាំបន្លែ ហើយមុនពេលទទួលបានប្រាក់កម្ចីពីប្រសិទ្ធភាពហ្វាយនែន ភីអិលស៊ី ចំនួន ១០.០០០ ដុល្លារអាមេរិក គាត់មានការលំបាក ដើម្បីស្រោចទឹកដាក់ដំណាំរបស់គាត់ ហើយចំណាយពេលច្រើន និងប្រើកំលាំងច្រើន។ កំឡុងពេលនោះ គាត់មានផ្ទះតូច និងពិបាកក្នុងការរស់នៅជាពិសេសគឺក្នុងរដូវវស្សា។ បន្ទាប់ពីបានទទួលប្រាក់កម្ចីពីប្រសិទ្ធភាពហ្វាយនែន គាត់បានទិញម៉ាស៊ីន១គ្រឿងដើម្បីបូមទឹកស្រោចដំណាំរបស់គាត់ ដែលធ្វើឲ្យគាត់ចំណេញពេលវេលាច្រើនក្នុងការធ្វើការងារផ្សេងៗទៀត។ ពេលបច្ចុប្បន្ន គាត់បានសាងសង់ផ្ទះថ្មី១ខ្នង ហើយអាចរកចំណូលបានច្រើនជាងមុន។ គាត់បានកោតសសើរដល់បុគ្គលិករបស់ប្រសិទ្ធភាពហ្វាយនែន ដែលមានភាពរួសរាយរាក់ទាក់ និងបម្រើសេវាកម្មប្រាក់កម្ចីបានរហ័សទៅដល់គាត់ និងអតិថិជនផ្សេងៗទៀតនៅក្នុងភូមិឃុំជាមួយគាត់។ ជាចុងក្រោយ គាត់ក៏បានថ្លែងអំណរគុណដល់ប្រសិទ្ធភាពហ្វាយនែន ដែលជួយឲ្យគ្រួសារគាត់អាចឆ្លងផុតពីទុកលំបាក និងភាពក្រីក្រ។